《讀者請教》
係咁嘅 ,我6299已經完成第二針疫苗， 之後6299同我老公同叔仔講話打完之後完全冇任何不良反應,仲好似精神咗,身體好咗咁樣,冇以前咁咁虛弱， 而且成個人都放心曬,唔需要再擔心病毒, 好快就可以去旅行,所以就不停勸我老公同埋叔仔去接種,咁就可以陪佢哋周圍去旅行!
我同老公一早有二人世界, 但係叔仔仲同6299同住， 叔仔頂唔順佢哋就無啦啦搬咗嚟我哋嗰度暫避 先,老公都冇問我意見就話叔仔有事要幫一幫手， 佢就瞓廳嘅， 本身個人冇乜嘢，但係衛生問題就好嚴重。
1. 佢喺廁所用剃髮器替到成地都係頭髮,然後沖水沖落去個去水位度
2. 用微波爐叮熱蕃茄薯仔湯，可能叮太長時間太過熱，無啦啦個微波爐嘭一聲就唔再著
3.洗手盆有個濾網係隔住啲食物殘渣,但係佢洗碗之後就好鍾意拎走個濾網 ,真係痴痴地線 😡
叔仔話佢而家失業冇錢，真係激到爆炸😡😡
而家點算好？真係未知佢幾時會走？ 冇理由畀錢佢租酒店架？ 點知佢要畀到幾時？謝謝。
＃我的極品四大長老
Search